Тэматычная праграма "Каляды ў Заслаўі"

Заканчэнне года – час незвычайны, таямнічы і, безумоўна, вельмі вясёлы, бо надыходзіць Божае Нараджэнне. Паўсюль сустракаюць Новы год, а ў Беларусі пачынаюцца Каляды. На Каляды кожны з нас чакае штосьці незвычайнае – ці падарунак, ці сустрэчу, ці прыгоды, і безумоўна, кожны чакае казку… "Але казкі засталіся толькі ў кніжках", - скажаце Вы і … памыліцеся. Бо трапіць у казку магчыма… Яна чакае вас на тэрыторыі этнаграфічнага комплекса “Млын”, што ў Заслаўі! Калі прыехаць сюды на Каляды, то можна і куццю пакаштаваць, і сустрэцца з патымбаковымі істотамі, і ўбачыць сапраўдных калядоўшчыкаў, і, безумоўна, смачна паесці, добра патанчыць і пайграць у вясёлыя гульні. Адным словам, весела адзначыць Каляды, як тое рабілі нашыя продкі!

Кожнаму з гасцей – калядны падарунак!

ФОТАГАЛЕРЭЯ

У праграме:

Аглядная экскурсія дазволіць вам пазнаёміцца з гісторыяй Заслаўя і наведаць унікальныя аб’екты:

• гарадзішча “Вал”. Гісторыя гарадзішча “Вал”, вядомага таксама як Заслаўскі замак, пачынаецца на мяжы ХІ – ХІІ стагоддзяў. Кальцавая крэпасць, збудаваная Ўладзімірам Святаславічам, была закінутая, а на тэрыторыі правабярэжнага пасада ўзнеслі новы, мацнейшы дзядзінец Ізяслаўя.
• касцёл Прасвятой Дзевы Марыі XVIІІ ст., збудаваны па фундацыі Антонія Тадэвуша Пшэздзецкага (1718 - 1772), уладара Заслаўскага графства.
• былы Кальвінскі збор XVI ст., цяпер царква Пераўвасаблення Божага, збудаваны па фундацыі Яна Янавіча Глебавіча ў канцы XVI ст. Лаканічнае готыка-рэнэсанснае аблічча храма фармуецца спалучэннем прастакутнага аднанефнага будынка кафалікона, перакрытага крыжападобнымі шатамі, і 35-мэтровай шасціпаверхневай вежай.
• гарадзішча “Замчэчак” Х ст., умацаванае пасяленне на паўднёва-заходняй ускраіне Заслаўя. Крэпасць была збудаваная ў апошняй чвэрці Х ст. па загадзе Уладзіміра Святаславіча як фарпост паўночна-заходніх межаў ягонай дзяржавы.
• этнаграфічны комплекс “Млын” прадстаўлены помнікамі архітэктуры канца ХІХ – пачатку ХХ стст і знаёміць турыстаў з гаспадарча-прамысловымі традыцыямі і саматужнымі адметнасцямі беларускага мястэчка.

Анімацыйная праграма “Каляды ў Заслаўі”:

• рыцарскія двубоі;
• старадаўнія і народныя гульні і танцы пад дуду: "Маразуля", "Бранль Пралек", "Друмул Дракуле", "Тотэнтанц", "Ойра", "Удавец", "Явар", "Цяцерка", "Лявоніха", "Падыспань", "Анёл", "Верабей" і інш.
• рыцарскія конкурсы: “П’яны кат”, “Бой на мягкіх мячах”, “Стральба з лука”, “Надзяванне рыцарскага даспеха”, “Кіданне дзіды”, “Сэрсо”, “Цяжкі меч”, "Сярэднявечныя лыжы";
• абрад “Калядаванне”;
• сустрэча са Святым Мікалаем

Батлейка

У XVI ст. Батлейку прыдумалі каталіцкія манахі. На беларускіх землях батлейка прыжылася і ператварылася ў любімую забаву дзяцей і дарослых.

У кошт уваходзіць:

• праезд камфартабельным аўтобусам;
• суправаджэнне на маршруце;
• гарбата / кава;
• анімацыйная праграма;
• аглядная экскурсія па Заслаўі;
• экскурсійнае абслугоўванне ў этнаграфічным комплексе “Млын”

Кошт праграмы:

• дарослыя – 2.652.000 на групу
• дзеці – 2.452.000 на групу

Дадаткова аплочваюцца:

• уваходныя білеты ў этнаграфічны комплекс “Млын”

- дзеці – 1000

- дарослыя – 2700

• батлейка

- дзеці – 1500

- дарослыя – 3100

Дадатковыя паслугі:

• арганізацыя абеда ці банкета ў кавярні “Гасцінец”

Для арганізатараў груп прадугледжана камісійная ўзнагарода

Тэлефануеце і прыходзіце!

Тэл./ф.: +375 17 200 04 68
Моб. тэл.: +375 29 677 00 46
г. Мінск, зав. Праязны, 3-1

ПАКІНУЦЬ ЗАЯЎКУ