Тэматычная экскурсія «У госці да Зюзі Паазерскага»

Маршрут: Мінск – Паставы – Мінск

Працягласць: 8 г.

* Ад сталіцы Пастаўскага Паазер’я – горада Паставы – да сядзібы гасцей аддзяляюць магічныя 7 км. На гэтым шляху ў зімовую казку Вас ужо чакае аповед пра забытыя традыцыі і веры продкаў.

* Знаёмства з сядзібай Зюзі Паазерскага пачнецца ад самой брамы, за якой сустрэне гаспадыня-ключніца – цётка Агата. А ўвайшоўшы, вы трапіце ў чароўны свет, дзе вас чакаюць магічныя пераўтварэнні, выкананне жаданняў, гульні, конкурсы і забавы.

* Пад шатамі высокіх ялінаў, на прасторах сядзібы паўстала міфалагічная вёска “Зюзева ваколіца”, дзе ў казачных церамках пад саламянымі дахамі хаваюцца прывіды. Доўга ці блізка ісці да сядзібы, ніхто ня ведае. Ведаюць толькі, што не любяць прывіды людзей лянотных і невясёлых. Але шлях гэты няпросты. Бо пераадолець давядзецца тры брамы і тры масты, кожны з якіх – яшчэ адзін крок да чараўніцтва.

* Тым, хто шмат шкодзіў на працягу прамінулага года, трэба быць на сцяжыне асабліва асцярожным: ліха пранясецца над галавой Хапун, які толькі і чакае, каб ухапіць шкодніка і зацягнуць у сваёй вялікай торбе за цёмныя лясы, туды, адкуль яшчэ ніхто не вяртаўся…

* У вас абавязкова будзе магчымасць загадаць жаданне каля Чароўнага калодзежа, які на ўскраіне Ваколіцы. Галоўнае, каб прывіды не здолелі сапсаваць вашае жаданне, ператварыўшы яго ў прыгожы, але неажыццяўляльны сон. Ад гэтай навалы можна сябе абараніць, абыйшоўшы тройчы вакол Магічнага дрэва і пазваніўшы ў званочак – духі і разбягуцца.

* Дарэчы, пазнаёміцца з некаторымі з іх можна ў Галерэі духаў. Праўда, завочна. Але яно і да лепшага. Бо сустрэча з незадобраным і раззлаваным духам яшчэ нікога да дабра не даводзіла.

* Калі вы захацелі есці – вам у карчму. Тут можна пагрэцца, перакусіць і – чаго грэх утойваць – выпіць. А калі не жадаеце – можаце проста пасядзець, адпачыць на шырокіх драўляных лавах. Бо карчма заўжды гасцінна разнасцежвае дзверы для ўсіх гасцей, з якой бы мэтай яны сюды ні прыйшлі.

* Сувеніры, набытыя на кірмашы “Паазерскія забаўкі” з рук майстроў, яшчэ доўга будуць нагадваць аб дзівосным часе, прабаўленым у казцы.

* І галоўнае: вас чакае тэатралізаваная дзея!

* І нарэшце найгалоўнейшае! Зюзя Паазерскі прыдбаў уласнае жытло! Цяпер ён не туліцца пад ляснымі карчамі, а адпачывае ва ўласных пакоях! Вы калі-небудзь бачылі, на чым спачывае ўладар сцюжаў і халадоў? На чым ён сядзіць? З чаго есьць салёныя снежкі? Не?! Вы маеце цудоўную магчымасць  зазірнуць адным вокам у Зюзевы пакоі і ўбачыць усё гэта!!!

* На заканчэнне праграмы святкавання вас чакае прыемны сюрпрыз: “Салют станоўчых эмоцый”. Яркія вогненныя сполахі маляўнічага феерверка ў небе, якія захопліваюць і дарослых, і дзяцей, яшчэ доўга будуць прыгадвацца як чароўны казачны сон…

К уошт уваходзіць:

• праезд камфартабельным аўтобусам;
• экскурсійнае суправаджэнне па маршруце;
• гарбата / кава;
• забаўляльная анімацыйная праграма з пачастункам;
• экскурсійнае абслугоўванне па сядзібе Зюзі.

За дадатковую плату:

• экскурсійнае абслугоўванне па Пастаўскім Паазер’і з наведваннем Дома рамёстваў “Стары млын”, на групу 4 гадзіны / 200 000 р.
• арганізацыя харчавання, банкетаў у кавярнях і рэстаранах горада Паставы;
• катанне на санях і квадрацыкле.

Кошт праграмы:

• дарослыя – 3.330.000 на групу
• дзеці – 3.130.000 на групу

Правядзенне праграм:

• штодня з 17 по 30 снежня 2010 г.
• штодня з 2 по 9 студзеня 2011 г.
• 14, 15, 16 студзеня 2011 г. (а 13:00, 15:00 і 17:00 гадзінах)

Для арганізатараў груп прадугледжана камісійная ўзнагарода

Тэлефануеце і прыходзіце!

Тэл./ф.: +375 17 200 04 68
Моб. тэл.: +375 29 677 00 46
г. Мінск, зав. Праязны, 3-1

ПАКІНУЦЬ ЗАЯЎКУ