ФОТАГАЛЕРЭЯ

Мінулі стагоддзі, а разам з імі эпоха рыцараў, аднак дух рыцарства жыве ў кожным з нас, проста сёння ён прыглушаны гарадской мітуснёй і процьмай неадкладных спраў. Але нягледзячы на гэта, ў Вас ёсць магчымасць трапіць у атмасферу загадкавага, высакароднага і таямнічага Сярэднявечча ў шляхецкім фальварку Карчэўскіх, што ў Бянюнах.

На падворку фальварка музыкі і акторы з радасцю прадэманструюць Вам сваё майстэрства. Рыцары падзеляцца сваімі сакрэтамі баўлення часу. Іх жыццё складалася не толькі з ваенных паходаў: так на рыцарскім падворку ў любую пару года старэйшыя і больш вопытныя рыцары навучалі маладых як абыходзіцца з дзідай, мячом, булавой, лукам і арбалетам. А самае галоўнае, Вы не будзеце баковым назіральнікам, вам прапануюць разам развучыць старадаўнія танцы пад чароўныя гукі дуды і паўдзельнічаць у сярэднявечных рыцарскіх забавах…

У праграме:

Івянец
Па пісьмовых крыніцах Івянец вядомы з 2-й паловы XV ст. У 1522 г. згадваецца як мястэчка Менскага павета Вялікага княства Літоўскага, уладанне Салагубаў. Багатыя запасы гліны спрыялі развіццю ганчарнага рамяства. У сярэдзіне XVI ст. у Iвянцы заснавана пратэстанцкая абшчына, кальвінскі збор, школа, шпіталь. У 1606 г. пабудаваны драўляны касцёл. У 1702 г. стольнік менскі Ваньковіч заснаваў у Iвянцы касцёл і кляштар францысканцаў. У пачатку XVIII ст. Івянец – цэнтр графства.

• касцёл Святога Аляксея ХХ ст.
• касцёл Арханёла Міхаіла і кляштар францысканаў XVIII ст.

Валожын
Вядомы з XIV стагоддзя як цэнтр Валожынскага княства, Валожын перажыў нямала сумных падзей, яго жыхары ўдзельнічалі ў бітвах з многімі іншаземцамі. З'яўляючыся прыватнаўласніцкім горадам Рэчы Паспалітай, Валожын перажыў і многа гаспадароў. Валодалі ім магнаты Слушкі, Монвіды, Гаштольды, Радзівілы, Чартарыйскія, Тышкевічы. Кожны з іх будаваў і перабудоўваў горад на свой лад. Частка пабудоў тых часоў захавалася. Чаму горад мае такую назву? Кажуць з Вільні гналі ў Мінск валоў прадаваць, а тут рабілі прыпынак, бо быў вялікі лес, і тры карчмы былі. То таму назвалі Валожын, або Валыжэнь. Валы жэнь! Гані, значыць.

• касцёл Святога Язэпа ХІХ ст.
• палацава-паркавы комплекс Тышкевічаў ХІХ ст.

Вішнева
3 XIV ст. ўваходзіла ў Крэўскае княства. У XV ст. належала Слушкам, Осцікам, Сангушкам і Пацам. У 1600 г. Вішнева і наваколле ў Пацаў купіў А. Храптовіч. У 1780-1870 гг. у Вішнева працаваў металургічны завод. Тут упершыню на Беларусі пабудавана доменная печ, былі плавільня, кузня, склад; штотыднёва выраблялася 600 пудоў жалеза; дзейнічалі плюшчыльная (пракатная) машына, ліцейня для плаўкі чыгуну, вадзяныя машыны, вадзяныя молаты, чыгунныя кавадлы і інш. У час паўстання 1794 г. на заводзе выраблялася зброя для паўстанцаў, у тым ліку для атрада Міхала Клеафаса Агінскага.

• касцёл Найсвяцейшай Маці Божай XVII ст.
• царква Святых Казьмы і Дзям’яна ХІХ ст.

Шляхецкі фальварак Карчэўскіх (Бянюны)

• рыцарскія баі
• старадаўнія і народныя гульні і танцы пад дуду: "Маразуля", "Бранль Пралек", "Друмул Дракуле", "Тотэнтанц", "Ойра", "Удавец", "Явар", "Цяцерка", "Лявоніха", "Падыспань", "Анёл", "Верабей" і інш.
  
• рыцарскія конкурсы: “П’яны кат”, “Бой на мяккіх мячах”, “Стральба з лука”, “Аблачэнне ў рыцарскі даспех”, “Кіданне дзіды”, “Сэрсо”, “Цяжкі меч”, “Сярэднявечныя лыжы”
• катанне на кані

У кошт уваходзіць:

• праезд камфартабельным аўтобусам
• экскурсійнае абслугоўванне на маршруце
• тэматычная праграма
• катанне на кані
  

Кошт экскурсіі

За дадатковую плату:

• арганізацыя харчавання
• фаер-шоў

Для арганізатараў груп прадугледжана камісійная ўзнагарода

Тэлефануеце і прыходзіце!

Тэл./ф.: +375 17 200 04 68
Моб. тэл.: +375 29 677 00 46
г. Мінск, зав. Праязны, 3-1

ПАКІНУЦЬ ЗАЯЎКУ